ఈవారం పండగలు–పర్వదినాలు…
25, ఆదివారం, మాసశివరాత్రి, రోహిణి కార్తి ప్రారంభం.
28, బుధవారం, నిజకర్తరి త్యాగం
–––––––––––––––––—————-
మేషం… (అశ్వని, భరణి, కృత్తిక 1వ పాదం)
ముఖ్యమైన పనుల్లో ముందడుగు వేస్తారు. ఆశ్చర్యకరమైన విషయాలు తెలుసుకుంటారు. పలుకుబడి కలిగిన వారితో పరిచయాలు. ఆలోచనలు అమలు చేస్తారు. ప్రముఖులతో పరిచయాలు. పుణ్యక్షేత్రాలు సందర్శిస్తారు. ఆర్థికంగా బలం పుంజుకుంటారు. రుణభారాలు తొలగుతాయి. కుటుంబంలోని అందరితోనూ సఖ్యత నెలకొంటుంది. ఆరోగ్యం మరింత మెరుగుపడుతుంది. భాగస్వామ్య వ్యాపారాలు పుంజుకుని లాభాలు గడిస్తారు. ఉద్యోగులకు విధుల్లో ఉన్నతస్థితి దక్కవచ్చు. అయితే బాధ్యతలపై దృష్టి సారించండి. రాజకీయ, కళారంగాల వారికి ఒత్తిడులు తొలగి ఊరట చెందుతారు. 29,30 తేదీల్లో ఆర్థిక వ్యవహారాలు నిరుత్సాహపరుస్తాయి. ఆకస్మిక ప్రయాణాలు ఉంటాయి. సన్నిహితులతో తగాదాలు. విష్ణుసహస్రనామ పారాయణ చేయండి.
వృషభం… (కృత్తిక 2,3,4 పాదాలు, రోహిణి, వృగశిర 1,2 పాదాలు)
సన్నిహితులతో ఆనందంగా గడుపుతారు. ఆధ్యాత్మిక కార్యక్రమాలలో పాల్గొంటారు. బంధువుల ద్వారా ఆహ్వానాలు అందుతాయి. వాహన, గృహయోగాలు. చిన్ననాటి మిత్రులను కలుసుకుంటారు. రావలసిన సొమ్ము అంది అవసరాలు తీరతాయి. రుణాలు సైతం తీరుస్తారు. కుటుంబంలో అందరి ఆదరణ పొందుతారు. మీరంటే అంతా ఇష్టపడతారు. కుటుంబసమస్యలు వాటంతట అవే పరిష్కారమవుతాయి. కొంత అనారోగ్యం కలిగినా ఉపశమనం లభిస్తుంది. వ్యాపారాలు ఆశించిన విధంగా లాభిస్తాయి.కొత్త పెట్టుబడులు అందుతాయి. ఉద్యోగాలలో కోరుకున్న హోదాలు రాగలవు. పారిశ్రామిక, రాజకీయవర్గాలకు ఉత్సాహవంతంగా ఉంటుంది. 27,28 తేదీల్లో ఆదాయం నిరాశ కలిగిస్తుంది. శ్రమ తప్పదు. ఆరోగ్య, కుటుంబసమస్యలు. గాయత్రీ ధ్యానం చేయండి.
మిథునం… (మృగశిర 3,4 పాదాలు, ఆరుద్ర, పునర్వసు 1,2,3 పాదాలు)
సన్నిహితులతో ఆనందంగా గడుపుతారు. సేవా కార్యక్రమాలలో పాల్గొంటారు. కాంట్రాక్టులు పొందుతారు. ముఖ్యమైన వ్యవహారాలలో పురోగతి. మీ అంచనాలు నిజమవుతాయి. సమాజంలో గౌరవం పెరుగుతుంది. రావలసిన సొమ్ము అందుకుని ఉత్సాహంగా గడుపుతారు. ఆస్తుల క్రయవిక్రయాల ద్వారా డబ్బు సమకూరుతుంది. అందరితోనూ ఆదరణతో మసలుతారు. బంధువులతో సఖ్యత నెలకొంటుంది. ఆరోగ్యం మరింత మెరుగుదల కనిపిస్తుంది. వ్యాపారాలో అనుకున్న రీతిలో లాభాలు అందుతాయి. ఉద్యోగాలలో కోరుకున్న పదోన్నతులు రాగలవు. కొన్ని సమస్యలు తీరతాయి. పారిశ్రామికవేత్తలు, కళాకారులకు మరింత ఉత్సాహవంతమైన కాలం. 30,31 తేదీల్లో ఆలోచనలు నిలకడగా ఉండవు. ఇంతకాలం పడిన శ్రమ వృథా కాగలదు. ఆకస్మిక ప్రయాణాలు. అన్నపూర్ణాష్టకం పఠించండి.
కర్కాటకం… (పునర్వసు 4వ పాదం, పుష్యమి, ఆశ్లేష)
సన్నిహితులతో వివాదాలు సర్దుబాటు కాగలవు. ముఖ్యమైన పనులు నెమ్మదిగా సాగుతాయి. పుణ్యక్షేత్రాలు సందర్శిస్తారు. ప్రత్యర్థులు మిత్రులుగా మారతారు. రావలసిన సొమ్ము అందినా రుణాలు సైతం చేస్తారు. ఆస్తుల విక్రయాల ద్వారా కొంత సొమ్ము అందుతుంది. కుటుంబంలోని అందరితోనూ సఖ్యత నెలకొంటుంది. సంతానపరంగా ఇబ్బందులు తొలగుతాయి. ఆరోగ్య సమస్యలు తీరతాయి. వ్యాపారాలలో అనుకోని విధంగా లాభాలు అందుతాయి. భాగస్వాములు పెరుగుతారు. ఉద్యోగాలలో మంచి గుర్తింపు లభిస్తుంది. పారిశ్రామిక, కళారంగాల వారికి కొన్ని సమస్యలు తీరతాయి. 28,29 తేదీల్లో ఇంటాబయటా ఒత్తిడులు. కుటుంబసభ్యులతో తగాదాలు. ఆరోగ్య సమస్యలు వేధిస్తాయి. దుర్గాదేవి స్తోత్రాలు పఠించండి.
సింహం… (మఖ, పుబ్బ, ఉత్తర 1వ పాదం)
కొన్ని పనులు సకాలంలో పూర్తి చేస్తారు. బంధువుల నుంచి విలువైన సమాచారం అందుతుంది. ఆలయాలు సందర్శిస్తారు. విద్యార్థుల యత్నాలు సఫలమై ఉత్సాహంగా గడుపుతారు. వాహనాలు, ఆభరణాలు కొంటారు. అనుకోకుండా సొమ్ము సమకూరుతుంది. కుటుంబంలో మీపై అంతా అభిమానం చూపుతారు. శుభకార్యాలు నిర్వహిస్తారు. కొన్ని రుగ్మతలు తీరి ఉపశమం పొందుతారు. వ్యాపార లావాదేవీలు ఉత్సాహంగా సాగుతాయి. ఉద్యోగాలలో సమస్యలు తీరతాయి. పైస్థాయి వారి నుంచి ప్రోత్సాహం అందుతుంది. పారిశ్రామిక, రాజకీయవర్గాలకు అనుకోని అవకాశాలు. 30,31 తేదీల్లో కొన్ని కార్యక్రమాలు రద్దు చేసుకుంటారు.కష్టానికి తగ్గ ఫలితం ఉండదు. అనుకోని ప్రయాణాలు. సుబ్రహ్మణ్యాష్టకం పఠించండి.
కన్య… (ఉత్తర 2,3,4 పాదాలు, హస్త, చిత్త 1,2 పాదాలు)
చిన్ననాటి మిత్రులను కలుసుకుంటారు. పరిచయాలు పెరుగుతాయి. పదిమందిలోనూ మీ సత్తా చాటుకుంటారు. వాహనాలు, ఆభరణాలు కొంటారు. స్థిరాస్తుల వివాదాలు కొలిక్కి వస్తాయి. అనుకున్న కార్యక్రమాలు సకాలంలో పూర్తి చేస్తారు. అప్రయత్నంగా సొమ్ము అందుతుంది. దీర్ఘకాలిక రుణాలు తీరతాయి. కుటుంబంలో వాతావరణం ప్రశాంతంగా ఉంటుంది. కొన్ని సమస్యలు పరిష్కరించుకుంటారు. ఆరోగ్యం మరింత మెరుగ్గా ఉంటుంది. వ్యాపారాలలో కొత్త పెట్టుబడులు అందుతాయి. అనుకున్న లాభాలు తథ్యం. ఉద్యోగాలలో మరింత అనుకూల సమయం. రాజకీయ, కళారంగాల వారికి యోగవంతంగా ఉంటుంది. 25,26 తేదీల్లో మనశ్శాంతి లోపిస్తుంది. ఆరోగ్యపరమైన చికాకులు ఎదుర్కొంటారు. కుటుంబసభ్యులతో తగాదాలు ఏర్పడతాయి. దక్షిణామూర్తి స్తోత్రాలు పఠించండి.
తుల… (చిత్త 3,4పాదాలు, స్వాతి, విశాఖ 1,2,3 పాదాలు)
కార్యక్రమాలను అనుకున్న రీతిలో పూర్తి చేస్తారు. ధార్మిక కార్యక్రమాలలో పాల్గొంటారు. ఉద్యోగయత్నాలు అనుకూలిస్తాయి. వాహనాలు, భూములు కొనుగోలు చేస్తారు. ఆదాయం మెరుగుపడి రుణాలు సైతం తీరతాయి. స్థిరాస్తి వివాదాలు పరిష్కారమై ధనలాభం కలుగుతుంది. కుటుంబంలో ఉత్సాహంగా గడుపుతారు. సభ్యులతో వివాదాలు తీరతాయి. కొద్దిపాటి అనారోగ్య సూచనలున్నాయి, తగు వైద్యసలహాలు పాటించండి. వ్యాపారాలు మరింత పుంజుకుంటాయి, లాభాలు అందుతాయి. ఉద్యోగాలలో రావలసిన హోదాలు దక్కుతాయి. పారిశ్రామిక, కళారంగాల వారికి మరింత అనుకూల సమయం. 28,29 తేదీల్లో పరిస్థితులు అనుకూలించవు. వ్యయప్రయాసలు తప్పవు. కుటుంబసభ్యులతో తగాదాలు. గణేశాష్టకం పఠించండి.
వృశ్చికం… (విశాఖ 4వ పాదం, అనూరాధ, జ్యేష్ఠ)
సన్నిహితుల సాయం అందుతుంది. వ్యవహారాలలో విజయం. శుభకార్యాలలో పాల్గొంటారు. పాతమిత్రులను కలుసుకుంటారు. ఆధ్యాత్మిక చింతన. ఇంటి నిర్మాణయత్నాలు సాగిస్తారు.ఆకస్మిక ధనలాభం. సోదరుల నుంచి కొంత సొమ్ము అందుతుంది. కుటుంబంలో కొన్ని చిక్కులు తొలగుతాయి. బంధువుల నుంచి అందిన సమాచారంతో ఊపిరిపీల్చుకుంటారు. కొంత నలత చేసినా ఉపశమనం లభిస్తుంది. వ్యాపారాలలో కొత్త పెట్టుబడులు అందుతాయి. ఉద్యోగాలలో ఊహించని ఇంక్రిమెంట్లు. పైస్థాయి వారి నుంచి ఒత్తిడులు తొలగుతాయి.కళాకారులకు ఆశ్చర్యకరమైన సమాచారం అందుతుంది. 30,31 తేదీల్లో ఆర్థిక ఇబ్బందులు ఎదుర్కొంటారు. పనుల్లో అవరోధాలు ఎదురవుతాయి. కష్టానికి తగ్గ ఫలితం కనిపించదు. రాఘవేంద్రస్వామి స్తోత్రాలు పఠించండి.
ధనుస్సు… (మూల, పూర్వాషాఢ, ఉత్తరాషాఢ 1వ పాదం)
సన్నిహితులతో ఆనందంగా గడుపుతారు. కొన్ని విషయాలలో అంచనాలు నిజమవుతాయి. కొత్త కాంట్రాక్టులు పొందుతారు. భూములు, వాహనాలు కొంటారు. శత్రువులు మిత్రులుగా మారతారు. పుణ్యక్షేత్రాలు సందర్శిస్తారు. కొంత సొమ్ము అనూహ్యంగా అందుతుంది. రుణదాతల ఒత్తిడులు తొలగుతాయి. కుటుంబంలో అందరితోనూ ఉత్సాహంగా గడుపుతారు. వివాదాలు తీరతాయి. శారీరక రుగ్మతలు తీరతాయి. వ్యాపారాలలో అనుకున్న పెట్టుబడులతో మరింత విస్తరిస్తారు. ఉద్యోగాలలో ఊహించని రీతిలో మార్పులు ఆశ్చర్యపరుస్తాయి. రాజకీయ, కళారంగాల వారికి అనుకూల సమయం. 26,27 తేదీల్లో దూరప్రయాణాలు ఉంటాయి. సన్నిహితులతో విరోధాలు. ఆలోచనలు కలిసిరావు. విష్ణుధ్యానం చేయండి.
మకరం… (ఉత్తరాషాఢ 2,3,4 పాదాలు, శ్రవణం, ధనిష్ఠ 1,2 పాదాలు)
దీర్ఘకాలిక సమస్యలు తీరతాయి. ఆలోచనలు కార్యరూపం దాలుస్తాయి. పరిచయాలు పెరుగుతాయి. వాహనాలు, ఆభరణాలు కొనుగోలు చేస్తారు. ఆస్తి వివాదాలు తీరతాయి. కాంట్రాక్టర్లకు ఉత్సాహంగా ఉంటుంది. రావలసిన సొమ్ము అందుతుంది. రుణబాధలు తొలగుతాయి.కుటుంబంలో వివాదాలు తీరతాయి. పెద్దల సలహాలు స్వీకరిస్తారు. ఆరోగ్యం కొంత మెరుగుపడుతుంది. వ్యాపారాలలో ఆశించిన లాభాలు అందుతాయి. విస్తరణలో ఆటంకాలు తొలగుతాయి. ఉద్యోగాలలో అధికారుల మన్ననలు పొందుతారు. విధుల్లో చికాకులు తొలగుతాయి. పారిశ్రామిక, కళారంగాల వారికి అరుదైన ఆహ్వానాలు రాగలవు. 25,26 తేదీల్లో ఒప్పందాలు కొన్ని రద్దు చేసుకుంటారు. కుటుంబసభ్యులతో విభేదాలు. మీ అంచనాలు తప్పుతాయి. సుబ్రహ్మణ్యేశ్వర స్తోత్రాలు పఠించండి.
కుంభం… (ధనిష్ఠ 3,4 పాదాలు, శతభిషం, పూర్వాభాద్ర 1,2,3 పాదాలు)
పట్టుదలతో కార్యక్రమాలు పూర్తి చేస్తారు. సన్నిహితులతో ఉత్సాహంగా గడుపుతారు. సేవాకార్యక్రమాలలో పాల్గొంటారు. కొత్త కాంట్రాక్టులు దక్కించుకుంటారు. ఆలయాలు సందర్శిస్తారు. సంఘంలో పలుకుబడి పెరుగుతుంది. సొమ్ముకు లోటు ఉండదు. దీర్ఘకాలిక రుణాలు తీరతాయి. కుటుంబంలోని అందరి ప్రేమను చూరగొంటారు. కొద్దిపాటి రుగ్మతలు బాధిస్తాయి. వ్యాపారాలలో అనుకున్న లాభాలు అందుతాయి. విస్తరణలో అవాంతరాలు తొలగుతాయి. ఉద్యోగాలలో ప్రమోషన్లు రాగలవు. అనుకూల బదిలీలు. పారిశ్రామిక, రాజకీయవర్గాలకు మొత్తంమీద కలసివచ్చే కాలం. 28,29 తేదీల్లో ఆర్థిక పరిస్థితి అంతంత మాత్రంగా ఉంటుంది. ఎంతగా కష్టపడినా ఫలితం కనిపించదు. ఆస్తి వివాదాలు నెలకొంటాయి. కనకదుర్గా స్తోత్రాలు పఠించండి.
మీనం… (పూర్వాభాద్ర 4వ పాదం, ఉత్తరభాద్ర, రేవతి).
కొన్ని కార్యక్రమాలలో ఆటంకాలు. అనుకోని ప్రయాణాలు. బంధువులు, మిత్రులతో కలహాలు. విద్యార్థులు కష్టపడ్డా ఫలితం కనిపించదు. రావలసిన సొమ్ము అందడంలో జాప్యం. రుణాలు చేస్తారు. కుటుంబంలో ఏది మాట్లాడినా విరోధాలు నెలకొనవచ్చు. శారీరక రుగ్మతలు మరింత బాధిస్తాయి. వ్యాపారాలలో సామాన్య లాభాలు అంది నిరాశ పరుస్తాయి. ఉద్యోగాలలో అదనపు బాధ్యతలు ఉక్కిరిబిక్కిరి చేస్తాయి. కొన్ని మార్పులు ఉండవచ్చు. పారిశ్రామిక, కళారంగాల వారికి నిరుత్సాహం. 26,27 తేదీల్లో ఆర్థిక వ్యవహారాలు అనుకూలిస్తాయి. సంఘంలో గౌరవమర్యాదలు. అనుకున్న పనులు సకాలంలో పూర్తి చేస్తారు. శివపంచాక్షరి పఠించండి.
–––––––––––––––––––––––––
