గిన్నిస్ బుక్ లోకి ఎక్కిన హనుమాన్ చాలీసా పారాయణ

మైసూరు అవధూత దత్తపీఠంలో మరో అద్భుత ఘట్టం ఆవిష్కృతమైంది. పరమాపూజ్య శ్రీ గణపతి సచ్చిదానంద స్వామీజీ వారిచే 33 గంటలు నిర్విరామంగా అఖండ హనుమాన్ చాలీసా పారాయణ మహాయజ్ఞం జరిగింది. హనుమాన్ జయంతి సందర్భంగా ఈ కార్యక్రమం జరగటం విశేషం. దేశం నలుమూలల నుండి 8  వందల పై చిలుకు భక్తులు ఈ అఖండ హనుమాన్ చాలీసా పారాయణ మహాయజ్ఞంలో పాల్గొన్నారు. ఇంతమంది ఒకే వేదికపై చేసిన పారాయణ మహాయజ్ఞం వరల్డ్ బుక్ ఆఫ్ గిన్నీస్ రికార్డులలో స్థానం సంపాదించుకుంది. మన ధర్మాన్ని విశ్వవ్యాప్తం చేస్తున్న శ్రీ స్వామీజీ వారికి భక్తులు కృతజ్ఞతలు తెలిపారు. ఈ సందర్భానికి వేదిక నిలిచిన అవధూత దత్తపీఠం నాద మంటపాన్ని భారత పోస్టల్ డిపార్ట్మెంట్ స్టాంప్ విడుదల చేసింది. నాద మంటపం ప్రారంభించి 25 సంవత్సరాలుగా మన సనాతన ధర్మానికి శ్రీ స్వామీజీ చేస్తున్న సేవ గురించి ప్రశంసించింది.