నేతల అరుదైన కలయిక

రాష్ట్ర మంత్రులు దామోదర్ రాజనర్సింహ, పొన్నం ప్రభాకర్, పిసిసి అధ్యక్షులు, ఎమ్మెల్సీ మహేష్ కుమార్ గౌడ్.. శాసనమండలి ప్రాంగణంలో ఉమ్మడి రాష్ట్రంలోని కర్నూలు జిల్లా కోడుమూరు మాజీ శాసనసభ్యులు, ఏపీపీఎస్సీ మాజీ చైర్మన్ మదన గోపాల్‌ను ఆత్మీయంగా పలకరించారు. ఆ సమయంలో శాసనమండలి సభ్యులు జీవన్ రెడ్డి, ఎమ్మెస్ ప్రభాకర్, బస్వరాజు సారయ్య, రఘోత్తం రెడ్డి కూడా కలిశారు. ఈ సందర్భంగా మాజీ ముఖ్యమంత్రి, దివంగత నేత కోట్ల విజయభాస్కర్ రెడ్డి ప్రభుత్వం లో కలిసి పనిచేసిన అనుభవాలను మంత్రులు దామోదర్ రాజనర్సింహ, పొన్నం ప్రభాకర్ గార్లతో పాటు శాసనమండలి సభ్యులతో కలిసి పంచుకున్నారు. కాసేపు ఆహ్లాదంగా ముచ్చటించుకున్నారు. ఈ ఆసక్తికర పరిణామానికి శాసనమండలి ప్రాంగణం వేదికైంది.