తెలంగాణ నుంచి బెంగళూరుకు వెళ్లే ప్రయాణికులకు రాష్ట్ర ఆర్టీసీ శుభవార్త చెప్పింది. బెంగళూరు మార్గంలో టికెట్ ధరలో 10 శాతం రాయితీ కల్పిస్తున్నట్లు తెలంగాణ ఆర్టీసీ ప్రకటించింది. కర్ణాటక రాజధాని బెంగళూరు రూట్లో నడిచే అన్ని రకాల బస్సు సర్వీసుల్లోనూ రానుపోనూ ఈ రాయితీ వర్తిస్తుందని ఆర్టీసీ ఎండీ సజ్జనార్ తెలిపారు. ఆర్టీసీ ఇస్తున్న ఈ డిస్కౌంట్ వల్ల ఒక్కో ప్రయాణికుడికి రూ.100 నుంచి రూ.160 వరకు ఆదా అవుతుందని పేర్కొన్నారు. ఈ రూట్లో టికెట్ల ముందస్తు రిజర్వేషన్ కోసం ఆర్టీసీ వెబ్ సైట్ని http://tgsrtcbus.in సంప్రదించాలని సజ్జనార్ సూచించారు.
టికెట్ ధరలు పాతవి, కొత్తవి…
- ఏసీ స్లీపర్ బస్సులో బెర్త్ అయితే ప్రస్తుతం రూ.1569, డిస్కౌంట్ టికెట్ ధర రూ.1412
- ఏసీ స్లీపర్ సీటర్ అయితే ప్రస్తుతం రూ.1203, డిస్కౌంట్ టికెట్ ధర రూ.1083
- రాజధాని బస్సుల్లో ప్రస్తుతం రూ.1203, డిస్కౌంట్ టికెట్ ధర రూ.1083
- NAC స్లీపర్ బెర్త్ అయితే ప్రస్తుతం రూ.1160, డిస్కౌంట్ టికెట్ ధర రూ.1044
- NAC సీటర్ టికెట్ ధర ప్రస్తుతం రూ.951 అయితే, డిస్కౌంట్ ధర రూ.856
- సూపర్ లగ్జరీ టికెట్ ప్రస్తుత ధర రూ.946 అయితే, డిస్కౌంట్ ధర రూ.851
