మేడారంలో కంపించిన భూమి – సీసీ కెమెరాల్లో దృశ్యాలు

బుధవారం ఉదయం తెలుగు రాష్ట్రాలను వణికించిన భూకంపం ప్రభావంతో ములుగు జిల్లా మేడారంలోనూ భూమి కంపించింది. కొన్ని సెకనుల పాటు గద్దెల వద్ద కూడా భూ ప్రకంపనలు వచ్చాయి. పక్కనే ఉన్న ములుగు కేంద్రంగా భూకంపం సంభవించగా.. మేడారం క్షేత్రంలోనూ ఆ ప్రభావం కనిపించింది. అయితే, సమ్మక్క, సారలక్క గద్దెల దగ్గర ఉన్న సీసీ కెమెరాల్లో ఈ దృశ్యాలు రికార్డయ్యాయి. అక్కడున్నవాళ్లు కొద్దిసేపు ఏం జరుగుతుందో అర్థంకాక అయోమయానికి గురయ్యారు. తర్వాత సర్దుకున్నారు.