ఈవారం ముఖ్యమైన పండుగలు–పర్వదినాలు..
12, బుధవారం, మాఘ పౌర్ణమి
మేషం…(అశ్వని, భరణి, కృత్తిక 1వ పాదం)
కొత్త వ్యక్తులు పరిచయాలు మీలో ఉత్తేజాన్నిస్తాయి. ముఖ్య కార్యక్రమాలను స్వయంకృషితోనే పూర్తి చేస్తారు. ఆలోచనలను కుటుంబసభ్యులతో పంచుకుంటారు. కాంట్రాక్టులు కోసం యత్నాలలో కదలికలు. ఆధ్యాత్మిక కార్యక్రమాలపై దష్టి పెడతారు. చిత్రమైన సంఘటనలు ఎదురై కొంత ఆశ్చర్యపరుస్తాయి. వాహనాలు, భూములు సమకూర్చుకునే సమయం.. అనూహ్యంగా సొమ్ము అందుతుంది. కుటుంబంలో మీకంటూ ప్రత్యేకత చాటుకుంటారు. వివాహయత్నాలు కలసివస్తాయి. ముఖ్య కార్యక్రమాలకు ఎటువంటి ఆటంకాలు లేకుండా గడుస్తుంది. వ్యాపారాలలో మరిన్ని లాభాలు గడిస్తారు. భాగస్వాములు మీపై మరింత నమ్మకం ఉంచుతారు. ఉద్యోగాలు అనుకున్న విధంగా సాఫీగా సాగిపోతాయి. రాజకీయవేత్తలు, పరిశోధకులకు విశేష ఆదరణ. 12, 13 తేదీల్లో వృథా ఖర్చులు. దూరప్రయాణాలు. దుర్గా స్తోత్రాలు పఠిస్తే మంచిది..
వృషభం…(కృత్తిక 2,3,4 పాదాలు, రోహిణి, వృగశిర 1,2 పాదాలు)
కొన్ని ముఖ్య కార్యక్రమాలను ఎట్టకేలకు పూర్తి చేస్తారు. ఆత్మీయులతో మనస్పర్ధలు నెలకొని కొంత కలత చెందుతారు.. చిన్ననాటి స్నేహితులను కలుసుకుని మనస్సులోని భావాలను పంచుకుంటారు. మీ ప్రతిపాదనలు కుటుంబసభ్యులను మెప్పించలేవు.. దేవాలయాల సందర్శనంతో ఊరట చెందుతారు.. ఇంటి నిర్మాణయత్నాలు ఆశించిన స్థాయిలో సాగవు. రావలసిన సొమ్ము అందక మరింత ఇబ్బంది ఏర్పడుతుంది.. బంధువులు మీపట్ల కొంత కఠిన వైఖరి అనుసరిస్తారు. ఆరోగ్యపరమైన సమస్యలతో ఇబ్బందులు పడాల్సివస్తుంది. వ్యాపారాల విస్తృతికి చేసే యత్నాలకు విఘాతం కలుగవచ్చు. సంయమనం పాటించాలి. ఉద్యోగ విధి నిర్వహణలో అదనపు బాధ్యతలు మీదపడి సతమతమవుతారు. పారిశ్రామికవేత్తలు, క్రీడాకారులకు వారి అంచనాలు తప్పవచ్చు.. 11,12 తేదీల్లో శుభవర్తమానాలు. ఆకస్మిక ధనలబ్ధి. కొత్త పరిచయాలు. శివాష్టకం పఠిస్తే ఉత్తమం.
మిథునం..(మృగశిర 3,4 పాదాలు, ఆరుద్ర, పునర్వసు 1,2,3 పాదాలు)
ముఖ్యమైన కార్యక్రమాలు చకచకా పూర్తి చేస్తారు. మీ సహకారంపై బంధువులు సంతోషం వ్యక్తం చేస్తారు. ఆత్మీయులతో మీ ఆనందాన్ని పంచుకుంటారు. ఆస్తులు కొనుగోలు విషయంలో నెలకొన్న ప్రతిష్ఠంభన తొలగుతుంది. నిర్దేశించుకున్న ఆశయాలు సాధించేదిశగా అడుగులు వేసి విజయం సాధిస్తారు. అందరికీ ఆదర్శవంతులుగా ఉండేందుకు తగిన నిర్ణయాలు తీసుకుంటారు. ఇంటి నిర్మాణాలలో అవాంతరాలు తొలగుతాయి. సొమ్ము సమకూరి అవసరాలు తీరతాయి. మీ ప్రయత్నాలకు కుటుంబసభ్యుల సహాయం ఉంటుంది. ఆరోగ్యం మీరు తీసుకునే జాగ్రత్తలతో కొంత మెరుగుపడి ఊరట చెందుతారు. వ్యాపారాలలో వ్యూహాలు, ప్రణాళికలు అమలు చేసి ముందడుగు వేస్తారు. ఉద్యోగాలలో ఉన్నతస్థాయి ప్రోత్సాహంతో దూసుకుపోతారు. పారిశ్రామికవేత్తలు, కళాకారులకు అన్నింటా విజయాలే కనిపిస్తాయి. 14,15 తేదీల్లో ఆకస్మిక ప్రయాణాలు. అగ్రిమెంట్లు వాయిదా వేస్తారు. శ్రమ పెరుగుతుంది. శ్రీశివప్రాతఃస్మరణ స్తోత్రం పఠించండి.
కర్కాటకం..(పునర్వసు 4వ పాదం, పుష్యణి, ఆశ్లేష)
కొత్త విషయాలు తెలుసుకుని మిత్రులతో ఉత్సాహంగా గడుపుతారు. మీ ఆశయాలు సాధించే విషయంలో రాజీపడరు. పట్టుదల పెరుగుతుంది. ముఖ్య కార్యక్రమాలను పూర్తి చేయడంలో ముందడుగు వేస్తారు. ధార్మిక కేంద్రాలు సందర్శిస్తారు. యుక్తితో కొన్ని వివాదాల నుంచి గట్టెక్కుతారు. నూతనంగా చేపట్టిన ఇంటి నిర్మాణాలు వేగవంతంగా సాగుతాయి.. వ్యతిరేక పరిస్థితులు అనుకూలమైన రీతిలో మలచుకుంటారు. నూతన విద్య, ఉద్యోగావకాశాలతో ఉత్సాహంతో గడుపుతారు. సొమ్ముకు లోటు లేకుండా గడుస్తుంది. సోదరులు,సోదరీలతో సత్సంబంధాలు నెలకొని వారితో ఆనందంగా గడుపుతారు. స్వల్ప అస్వస్థత, కొద్దిపాటి చికాకులు తప్పవు. వ్యాపారాలలో ఆశించిన విధంగా లాభాలను అందుకుంటారు. ఒక భాగస్వామి తీసుకున్న నిర్ణయం మీకు వరంగా మారనుంది. ఉద్యోగాలలో కొత్త ఆశలతో ముందుకు సాగి మంచి గుర్తింపు పొందుతారు. రాజకీయవేత్తలు, కళాకారులు, క్రీడాకారులకు విదేశీ పర్యటన అవకాశాలున్నాయి. ప్రతి నిర్ణయంలోనూ కొంత సంయమనం పాటించాలి. 9,10 తేదీల్లో దూరప్రయాణాలు. లేనిపోని వివాదాలు. ఆలోచనలు స్థిరంగా సాగవు. విష్ణుధ్యానం చేయండి
సింహం…(మఖ, పుబ్బ, ఉత్తర 1వ పాదం)
అన్ని విషయాలలోనూ ముందడుగు వేసి అందర్నీ ఆశ్చర్యపరుస్తారు.మీ మనోబలమే మీకు అండగా నిలుస్తుంది. ముఖ్యమైన కార్యక్రమాలు పూర్తి చేసేందుకు ఎవరి సాయం తీసుకోరు. శత్రువులను కూడా మీకు అనుకూలంగా మలచుకుంటారు. ఆస్తుల విషయంలో కొన్ని ఒప్పందాలు చేసుకుంటారు.. విద్య, ఉద్యోగావకాశాలు దక్కుతాయి. ఇంటి నిర్మాణయత్నాలు కలసివస్తాయి. కొత్త వ్యక్తుల పరిచయాలు మీలో ఉత్సాహాన్నిస్తుంది. ధార్మిక కేంద్రాలు సందర్శిస్తారు.. అనుకున్న ఆదాయం సమకూరి అవసరాలు తీరి ఊరట చెందుతారు. రుణభారాల నుంచి విముక్తి పొందుతారు. కుటుంబంలో మీరంటే ప్రతిఒక్కరూ ఇష్టపడతారు. క్షణం తీరికలేకుండా గడుపుతారు. . దూరపు బంధువుల రాకతో మరింత సందడి వాతావరణం నెలకొంటుంది. ఆరోగ్యం మెరుగుపడుతుంది. వ్యాపారాలలో సకాలంలో పెట్టుబడులు సమకూరతాయి.భాగస్వాములతో ఒప్పందాలు చేసుకుంటారు. ఉద్యోగాలలో మీ పనితీరుపై సహచరులు సైతం ఆశ్చర్యపోతారు. మీలోని పట్టుదల, ఆత్మవిశ్వాసమే గుర్తింపునకు కారణమవుతుంది. క్రీడాకారులు, శాస్త్రవేత్తలు తమ నేర్పును, నైపుణ్యతను చాటుకుంటారు. 14,15 తేదీల్లో ఖర్చులు అధికం. పనుల్లో ఆటంకాలు. మానసిక ఆందోళన.. కాలభైరవాష్టకం పఠించండి.
కన్య…(ఉత్తర 2,3,4 పాదాలు, హస్త, చిత్త 1,2 పాదాలు)
అనుకున్న వెంటనే కొన్ని కార్యక్రమాలు పూర్తి చేస్తారు. ఆఘమేఘాలపై కొన్ని నిర్ణయాలు తీసుకుని కుటుంబసభ్యులను ఆశ్చర్యచకితులను చేస్తారు. ఆత్మీయుల నుంచి కీలక సమాచారం అందుతుంది. ఆలోచనలను ఒక కొలిక్కి తెస్తారు. విద్యార్థులు కోరుకున్న అవకాశాలు సాధించడంలో కృతకృత్యులవుతారు. వ్యతిరేక పరిస్థితులు అనుకూలంగా మార్చుకోవడంలో తెలివిగా వ్యవహరిస్తారు.ప్రఖ్యాతిగాంచిన వ్యక్తులు పరిచయం కాగలరు. పుణ్యక్షేత్రాలు కొన్ని సందర్శిస్తారు. కొంత సొమ్ము అనుకోకుండా లభిస్తుంది. దీర్ఘకాలిక రుణబాధల నుండి విముక్తి లభిస్తుంది. వాహనాలు, విలువైన భూములు కొనుగోలు చేసే అవకాశం. ఆదాయ వ్యయాలు సమతూకంగా ఉండి అవసరాలకు మాత్రం లోటు ఉండదు. మీ అభిప్రాయాలతో ఏకీభవిస్తూ కుటుంబసభ్యులు చేదోడుగా నిలుస్తారు. స్వల్ప అనారోగ్య సూచనలు కనిపిస్తున్నాయి. తగిన ముందుస్తు జాగ్రత్తలు అవసరం. వ్యాపారాలలో మొదట్లో కొంత దిగాలు పడ్డా క్రమేపీ లాభాల బాటలో నడుస్తారు. నూతన పెట్టుబడులకు సమయమిదే. ఉద్యోగాలలో సహచర ఉద్యోగులు సహాయపడి పనిభారం తగ్గిస్తారు. పారిశ్రామికవేత్తలు, కళాకారులకు అనుకోని విదేశీ పర్యటనలు . 12,13 తేదీల్లో ఆకస్మిక ప్రయాణాలు. శ్రమాధిక్యం. బాధ్యతలు పెరుగుతాయి. నృసింహస్వామిని స్మరించండి.
తుల…(చిత్త 3,4పాదాలు, స్వాతి, విశాఖ 1,2,3 పాదాలు)
కొత్త కార్యక్రమాలు ప్రారంభించి సజావుగా విజయవంతంగా పూర్తి చేస్తారు.ఆలోచనలు కొలిక్కి వచ్చి కార్యరూపంలో పెడతారు. నిరుద్యోగుల శ్రమ ఎట్టకేలకు ఫలించి ఉద్యోగాలు దక్కుతాయి. కాంట్రాక్టర్లకు శుభవర్తమానాలు అందుతాయి. ప్రముఖులతో పరిచయాలు ఏర్పడి మరింత ఆనందంగా గడుపుతారు.. బంధువులతో సత్సంబంధాలు నెలకొంటాయి. ఆధ్యాత్మిక కేంద్రాలు, కొన్ని మఠాలు సందర్శిస్తారు. గృహ నిర్మాణాలు చేపట్టేందుకు తగిన ఏర్పాట్లు చేసుకుంటారు. సొమ్ము అంది అవసరాలు తీరతాయి. ఇతరుల నుంచి సైతం బాకీలు అందుకుంటారు. కుటుంబంలో అందరిలోనూ మీదే పైచేయిగా ఉంటుంది. అందరికీ ఆదర్శవంతంగా నిలుస్తారు. మీ నిర్ణయాలు ప్రశంసలు అందుకుంటాయి. ఆరోగ్యం మరింత మెరుగుపడి ఊపిరిపీల్చుకుంటారు. వ్యాపారాలు.సజావుగా సాగి లాభాలు ఆర్జిస్తారు. నూతన భాగస్వాములు, పెట్టుబడులు అందుతాయి. ఉద్యోగాలలో కోరుకున్న అవకాశాలు దగ్గరకు వస్తాయి. వైద్యులు,. క్రీడాకారులు, శాస్త్రవేత్తలు ప్రతిభను చాటుకుంటారు. 13,14 తేదీల్లో కొన్ని వివాదాల్లో చిక్కుకుంటారు. ప్రయాణాలు వాయిదా వేస్తారు. శివాష్టకం పఠించడం మంచిది.
వృశ్చికం…(విశాఖ 4వ పాదం, అనూరాధ, జ్యేష్ఠ)
చిరకాల స్వప్నం నెరవేరి సంతోషంగా గడుపుతారు. అనుకున్న ఉద్యోగాలు దక్కి నిరుద్యోగులకు ఉత్సాహం కలుగుతుంది. కొన్ని కీలక నిర్ణయాలు స్వయంగా తీసుకుంటారు. ఆస్తుల విషయంలో అగ్రిమెంట్లు చేసుకుంటారు. ఊహించని ఆహ్వానాలు అందుకుంటారు. స్థిరాస్తి వివాదాలు కొలిక్కి వచ్చి కొంత లాభం చేకూరుతుంది. ఇంటి నిర్మాణాలపై కూడా సోదరులతో చర్చిస్తారు. రావలసిన డబ్బు సమకూరి కొన్ని అవకాశాలు తీరతాయి. కుటుంబంలో అందరి ప్రేమను చూరగొంటారు. వ్యాపారాలలో కొత్త ఆలోచనలతో ముందుకు సాగుతారు. ఉద్యోగాలలో నూతనోత్సాహంతో విధులు నిర్వహించి ప్రశంసలు అందుకుంటారు. పారిశ్రామికవేత్తలు, క్రీడాకారులు ఊహించని గుర్తింపు లభిస్తుంది. 10,11 తేదీల్లో వాహనాలు విషయంలో వీరు అప్రమత్తంగా మెలగడం మంచిది. కుటుంబంలో సమస్యలు. అనారోగ్యం. సుబ్రహ్మణ్యాష్టకం పఠించండి.
ధనుస్సు…(మూల, పూర్వాషాఢ, ఉత్తరాషాఢ 1వ పాదం)
కొత్త కార్యక్రమాలను చేపట్టి ఎటువంటి జాప్యం లేకుండా పూర్తి చేస్తారు. మీ నైపుణ్యం చాటుకుని గుర్తింపు పొందుతారు. విచిత్ర సంఘటనలు మీలో ఆలోచనలు రేకెత్తిస్తాయి. ఆస్తి వివాదాలు చాలావరకూ తీరి లబ్ధి చేకూరుతుంది. మిమ్మల్ని వ్యతిరేకించిన వారే సహాయపడం విశేషం. వాహనాలు, ఆభరణాలు కొనుగోలు చేస్తారు. ధార్మిక కేంద్రాలు సందర్శించి మనశ్శాంతి పొందుతారు. ఆశ్చర్యకరంగా సొమ్ము సమకూరుతుంది. మీపట్ల కుటుంబసభ్యుల వైఖరిలో మార్పు కనిపిస్తుం ి. ఆస్తుల విషయంలోనూ చికాకులు అధిగమిస్తారు. వ్యాపారాలలో సంస్థల విస్తరణపై తుది నిర్ణయం తీసుకుంటారు. ఉద్యోగాలలో ఏ బాధ్యతనైనా అవలీలగా పూర్తి చేస్తారు క్రీడాకారులు, శాస్త్రవేత్తలు సంతోషంగా గడుపుతారు. 12,13 తేదీల్లో కొన్ని విమర్శలు ఎదుర్కొనే అవకాశం. ఖర్చులు మీదపడవచ్చు. ఆంజనేయ దండకం పఠించండి.
మకరం..(ఉత్తరాషాఢ 2,3,4 పాదాలు, శ్రవణం, ధనిష్ఠ 1,2 పాదాలు)
మొదట్లో కొన్ని ఇబ్బందులు తప్పకపోవచ్చు. అయితే సంకల్పబలంతో ముందడుగు వేసి విజయాల బాటలో నడుస్తారు. విద్యార్థులు ప్రతిభను మరింతగా చాటుకుంటారు. కష్టాల్లో ఉన్న వారిని సైతం ఆదుకుంటారు. ఇంటి నిర్మాణాల్లో అవరోధాలు అధిగమిస్తారు. ప్రముఖులతో పరిచయాలు సంతోషం కలిగిస్తాయి. సొమ్ముకు ఎటువంటి లోటు లేకుండా గడుపుతారు. రుణదాతలు ఒత్తిడులు తగ్గించడంతో ఊరట చెందుతారు. పెద్దల సలహాలు స్వీకరించి ముందుకు సాగుతారు. శుభకార్యాలకు పెద్దల ద్వారా సలహాలు స్వీకరిస్తారు. ఆరోగ్యంపై అశ్రద్ధ తగదు, తగు జాగ్రత్తలతో గడపండి. వ్యాపారులకు భాగస్వాములతో వివాదాలు సర్దుబాటై లాభాలు అందుతాయి. ఉద్యోగులు విధి నిర్వహణలో రాజీలేకుండా ముందుకు సాగుతారు. రాజకీయవేత్తలు, వ్యవసాయదారులకు ఆశలు చిగురించి కొంత సంతోషం కలిగిస్తుంది. 14,15 తేదీల్లో మనోనిబ్బరం తగ్గుతుంది. ప్రతి నిర్ణయంలోనూ నిదానం అవసరం. దత్తాత్రేయ స్తోత్రాలు పఠించండి.
కుంభం….(ధనిష్ఠ 3,4 పాదాలు, శతభిషం, పూర్వాభాద్ర 1,2,3 పాదాలు)
పేరుప్రఖ్యాతలు మరింత పెరుగుతాయి. మీ ఆశయాలు నెరవేర్చుకునేందుకు తగిన సమయం. గతంలో మీ సహాయం పొందిన వారు మీకు వెన్నంటి నిలుస్తార . ఏ కార్యక్రమమైనా స్వయంగానే పూర్తి చేస్తారు. పుణ్యక్షేత్రాలు సందర్శిస్తారు. వాహనాలు, ఖరీదైన ఆభరణాలు కొంటారు. పలుకుబడి కలిగిన వారితో పరిచయాలు ఏర్పడడం శుభపరిణామం. కొత్త కాంట్రాక్టులను దక్కించుకోవడంలో సఫలమవుతారు. సోదరులతో ముఖ్య విషయాలు చర్చిస్తారు. మీ ఆలోచనలు అందరితోనూ పంచుకుంటారు. ఆరోగ్యం మరింత మెరుగుపడే సూచనలు. వ్యాపారాలు విస్తరణలో ఊహించని పెట్టుబడులు సమకూరతాయి. లాభాలకు కూడా లోటు ఉండదు. ఉద్యోగాలలో సమస్యల నుండి గట్టెక్కుతారు. తోటివారు మీకు సహాయపడడం విశేషం. క్రీడాకారులు, సాంకేతిక నిపుణులు గతానుభవాలను దష్టిలో ఉంచుకుని వ్యవహరిస్తారు. 9,10 తేదీల్లో ఏదో ఒక వివాదంతో సతమతమవుతారు. కుటుంబసభ్యుల అభిప్రాయాలను వ్యతిరేకిస్తారు. శివాష్టకం పఠనం మంచిది.
మీనం…(పూర్వాభాద్ర 4వ పాదం, ఉత్తరబాద్ర, రేవతి)
ఒక సమాచారం ఊరటనిస్తుంది. శత్రువులు కూడా స్నేహితులుగా మారడం విశేషం. కొత్త కాంట్రాక్టులను కైవసం చేసుకుంటారు. సమాజంలో గౌరవం మరింత పెరుగుతుంది. తీర్థయాత్రలలో ఆధ్యాత్మిక వేత్తలను కలుసుకుంటారు. ఖరీదైన వాహనాలు కొనుగోలు చేస్తారు. ఆస్తుల విషయంలో ప్రతిష్ఠంభన తొలగుతుంది. రావలసిన సొమ్ము సమకూరి ఉత్సాహంగా గడుపుతారు. విద్యార్థులు ప్రతిభను చాటుకునేందుకు తగిన సమయం. సోదరులతో వివాదాలు సర్దుబాటు చేసుకుంటారు. వ్యాపారాలలో మీ కృషి ఫలించి అనుకున్న లాభాలు దక్కించుకుంటారు. ఉద్యోగాలలో పైస్థాయి వారిని ఆకట్టుకుని విధులు చక్కబెడతారు. రాజకీయవేత్తలు, కళాకారులు విజయాలను చేజిక్కించుకుంటారు. 11,12 తేదీల్లో ఆరోగ్యంపై శ్రద్ధ వహించడం మంచిది. వీరు అదనపు ఖర్చులు చేస్తారు. కోపాన్ని అదుపులో ఉంచుకోవడం మంచిది. శ్రీరాముని ధ్యానించండి. శుభాలు కలుగుతాయి.
